|
|
|
|
 ملف وديوان |
أضيف في: 06/03/2008 | |||
|---|---|---|---|---|
رحنا ســـــــــوا عاكروم بلدتنا وقديش امــــــــك عنفت باللوم لاسمعنا ولا غير الموال عادتنا كان العهد منكمل المشوار قلبي وفي ولازال عندو حب وعندك بقي السلسال للتذكار يوم التقينا بفية العرزال وقلتي ياحبي خف عالوردات غصن هالرمان صوبو نزال وجرحك بجرحي ملح ناطرتا يطوي عتم ليلي صبح والنزف متواصل من جرح مقتوح وبعيد تحت النخل ناطر قطار يشيلني لبعيد وبحلم بيوم يكون عندي عيد والريح تزرع رمل فوق الرمل ياوطني مثلك انا بالجسم عندي قلب وعندي حبيبه معششي بالروح ومثلك ببالي الكون ينبت حب ويسمح لفجري يطل ويغرد العصفور فوق الفل ويكتب عدفتر عمرنا مسموح وبغار مثلك ياوطن وبحن عا كم كلمي يكون فيها وعد وعا صدق يقرن قولنا بالفعل وعا غيم يحمل رعد وبيطول حلم السعد مثل الجمر برمادنا مذبوح ياحصن عابنادي الحزن تا ينام ويعود عا جناح الزمن كاسي واكتب عاجذع الارز ها الليل لازم ينتهي وعندي امل بيوم راح يبتدي مشوارنا بالفوز عمرك بخير يدوم ويضوي لهب والسنا بيشع من عالي القبب والحق بميزان الرب بتساوي يكونوا الكفات والزرع ان دفنا الحب بيملو الحقل القمحات البنت بتبقى اخت الشب وام بتوهبنا الحياة والطير يغرد بالسرب ويعطينا بفرحه النغمات ولا بتحلى كاسات الشرب الا بثلجي للميات اشقرا كنت ام زنجيا فقيرا تسعى ولدت غنيا شعرا تكتب او اميا مسالم انت ام حربيا لك وطن عندك اهل امك حره ازرع ارضك عيد الكره كن انسانا عنده قلب وله رب يحفظ عهدا يصنع مجدا يبقى ابيا انت شجاع انت كريم تلبس خاما ام كتانا تلبس حريرا ام طيلسانا انت صادق , انت عظيم ومنسميها ام النور نور مضوي عابلادي وما مننسى باقي المعمور العذرا ام العجايب مننذرلا شمع وبخور وما بعرف شو بدي قول وقتي مش عا بيقدي لحق عاتركي ومعقول؟ بيكتب حديثو جدي وبجملي بيسطل بهلول وانا عقلي عا قدي صرت بافكارو مجبول بيروقنا وبيغدي وبقضي وقتي مشغول يهدي عا راس الردي او للجيوسي عا طول يعمللي كتاب مخدي اغفا واسمع شو بيقول بين الهزل وبين الجد بلشنا سحب فرودي قاسم رد وراويه رد وتركي يغريني بلودي ياجيوسي شوي احتد نعمل حزب الجسحودي بدولتنا الورق عا القد ماراح قشمر عا زنودي الله مكونها وسوا من ضلعك رقه واحساس تركها بغنجا تتلوا وتتغاوى بقدا المياس ولاتزيد الحالي تعقيد وتعمل للحلوي وسواس ولاتغضب سفيرة النيل النجمات بتعمل حراس لاتشيل الزير من البير ولا تعمل ابو العباس زهرا تعطر قصر المير وبسمي تفرح كل الناس في عندا عقل وتفكير وجنه بدونا ما بتنداس الايد اللي بتهز سرير بوسا وعليها عا الراس والحاسس عندو تقصير بيرمي الحملي من الافلاس البيت بيعمر بالتدبير وبالشركي هي الاساس والعجني بدون خمير بيسكن برغيفا اليباس الليله نومك عا الحصير اذا بتزعل ام الياس معنى شروقي وعتابا وتا تعرف إني عشقان وتفتح للحب حسابا محمد ماشي درب طلوع بدنا شي كلمي نظيفي الشعرشعور وكم ونوع وفكرا تعمل قذيفي لاتسرع زمر عا الكوع واحمل حملي خفيفي لاتحكي غلط ممنوع الادب واجب للضيفي والجدل حق ومشروع تاتحكي بحمل سيفي بدي الكلام المسموع مثل النسيم الصيفي حقك تكره بس تجوع لاتطعم غيرك جيفي تانجني الورد المزروع ونسمع شعر الشريفي وعا النادي نلم المجموع وكيفك هوي من كيفي للمركب ما ترمي قلوع الريح بعكس التوليفي بيبقى صافي ها الينبوع الزعل ياحلوه عيفي وعا عيدك منضوي شموع وبدنا نحيي شريفي: مجموعه من هون وهون ولبنان اسمالله ممثل والغاوي الشهره واللون يهجم تا يكون الاول لحقوا ربعهم ؟ فليعد دارا كالو للوطن بخسا وخذلانا يقبضون الثمن فلسا ودولارا النبع يجري من صخور من قمم والكبار شموخا يابلادي كبارا حبرنا دلقه دائمابستان زرعنا نابت من سيول الدموع مارد صاعد من خبايا الزمان يابلادي ابشري للصلاة الركوع حياك الله يا بطلا مقاوما فارس وحدا بتكفيـــــــك وشهادة تركي ياشـــريك بتساوي بتمني الله يهنــــــــــــيك وبهديك الوردات سلال عالي وشو بدي عليــــك ب – بقلبي شكتلي سهمين وخلتلي لوني مخطوف ي- يوم الما بتشوفا العين عيوني غيرا ما بتشوف ب- بفكري رح قابلها وين اعمل شي درس ومكسوف ت- تمنيت حسابي حسابين بصفاادرس ست حروف مبورد صافي كاللولو بيشرب مؤمن هالميات بيحمد الله عا اصولو بيجي بو سبع تكات مبلغص حالو بكحولو ما مخلي شر ولا هات جايي ينضف شو تقولو لاتغير لون النبعات المجرى هوي بمفعولو افتح ذراع الشمس للاحــــراروحقق لشعبي كل امــــــــالو العامل خمير وعبد للخمـــــارالعامل شريك بكل اموا لـــــو العامل دموعو نبع للانــــــهاروخبزو غماسو بدم اوصــالو العامل بيغني مطلع واشعــــارنغمات اهة الاوجاع مــــوالو بيزرع ورود وفل للعطـــــــاروعطرو عرق من جهد اعمالو من مقلعو الاحجار للعمــــــــّاروساكن بكوخ يضيق بعـــيـالو يفتش عا قرشو بخزنة السمساروالقرش واطي بس ما طـــالو وجبين عالي مكللو بالغــــــــارلما الوطن يحتاج رسمــــــالو والصدق عندوكلمة الاحـــــراريوفي بوعدو يصح مكيــــالو اهنا بعيشك لو شريكك بــــــــارلبنان ارزو تحرسوا العمــال العامل نسر خفاق عا جبالو قللي العقل لا تخاف كون مرتاح ما ذل شلح الارز صيادي صوب القمم عا براقب الغيمات عا شيخ عالي والثلج تاجو يعزز شموخو بلسعة البردات ويربى بحضنو بعض افواجو وحامل بقلبو للوطن خزانات مقلع بطوله لو اهلنا احتاجو عيونو علينا ورمشها عوينات قاماتنا تعلى بعز ابراجو قنيه وعطا بوجه الزمن بسمات بقلبو راشيا وحصنها بيكون والتيم وادي حاضن التيمين وبا المقلب الثاني برك وعيون ومن سهل عيحابينفجر سيلين تراقب بينطا الحوش مرجعيون ها الشعب واحد ما عندهم ربين كروم المحبه تعانق الزيتون رامو الكرم والصدق عنوانين قلبهم عا حب الوطن مفتون بواسامه لو نظم با الشعر بيتين بنغمات حلوه تجاوب الحسون وعا ظهر احمر لوقصد نسرين عما ر باشق والعقاب يكون وعا موقعو لو عين لاقت عين قني من الشعربحرها موزون عجنت الشعر عاكفوفك ما لحتو قسيت شوي تا تبيعد مليحتو بنداها راويه ركن العتاب قلبت الرد من قلبك ماقلتو بقلك در من قبلك ما قلتو بحرك حل من حبرك مقلتو حرفك فرح من تحت باب كمالك كمل الكلمي ميما لك كلامك مالك ومالك ما مالك كمال مكللك ملاك الكتاب بنيات تعطي الحب للمعمور نحلات تجني الشهد تشريني ما كنت بغفاولا كنت برتاح بعمل شقي وبطول الايدين رمان صدرا بقبلو تفاح امحي من الصفحات كلمة هجر وبفرشة نو منا غمزاتها ورموش ومخدتي احلام ما يزورا الفجر والطير يغزل عا الشجر بيتو يرتل صلاة الحب والاشعار ونيسان شهر كثير حبيتو قطر الندى شلال عا الانهار حبي الو جوا القلب خبيتو يقظ نسيمو لمعة الافكار عيدو بقلبو وشوقي اناعطيتو وعطيت عيد الام باقة غار والطفل برعم اسمك هديتو والعلم والبي والقمح والختيار وشوقي عا كنية عمر وليتو ازهى باسمو يجاهروا الانصار ونيسان شهر الحب هنيتو صادق ربيعو يخسئوا الفشار الزنبق لمشرف ركن وديتو حامل خجل من نبلها ومحتار ميلاد لولو باجمل عقد سميتو تحيا باسما ملهمي الشعار صوت الامل بالعز عليتو ينعاد حامل موسم الازهار الشحروروزين الكانو عن شعرن يحكي الراوي حمدان راكب عاحصانو بيشرب عرق زحلاوي الله يرحم شاعر كان يعلمنا نظم القصدان بزحلي فتنا عا دكان نشتري علبة دخان وعلينا التفو الاخوان عانكتي قالا ذوقان سبعا ثماني من الشبان تا يطفو نار الغضبان بو نجيب ما تكون كسلان قللن عا السكره ناوي وبعد الاخذ وبعد الرد القصه راح تكبر عنجد وللعشره ما فينا نعد والهاجم ماعاد يرتد بونجيب لوحدو صد وبعزمو الجبان اشتد لمنو امتشق باليد ساطور القرطباوي لما لولح بالساطور كبشن بيصبح قرقور انحلت عقدتها لامور والسبعا هربو عا البور والثامن هرول مسرور وتشفع بام النور خللي طابقنا مستور حكيك مثل البقلاوي. .التمو الشباب بسرعا بحصيد الغالي نرعى وللصلحا عملو مسعى قعدو تا نشرب بلعا وسيكاره ومعها ولعا ومتي ما عنا قرعا ومنصللي نهار الجمعا يلعن بي العداوي اجتمعو على المشاوي العابس صار وجهو ضاوي وشاعرنا بزندو اللاوي كتب شعرو بهداوي الجروح الحب تداوي بمازه وسكرا زحلاوي وغنوجه تمليلك كاس اقطع حواجز روح عا الغربي قلبي شحنتو ها العضو لو زغير طاربلا جانح صرت غار من قلبي وبعيدي كثير السفرا من بلادي زلتي عبوسا ياحلوي عطيتي فكرا عن رقه وحكمة موسا بلادي بيتاكد نصرا لوها الصبايا تسوسا المرأه الذكيه بعصرا حره وعالي نا موسا من التيم قباب الحمرا ومن راشيا المحروسا من ارض الجرد السمرا من سكانا ونفوسا الجوري بيهديكي غمرا بريهان تبقي عروسا |
||||
| الكاتب: عقاب ا سماعيل بحمد (المغربي) |
 |
 |
|
|
خيارات الموضوع :  ارسل الموضوع لصديق
 طباعة الموضوع
 حفظ الموضوع كملف Word  حفظ الموضوع كملف PDF |
||||
التعليقات
|
||
|---|---|---|
|
||
|
|
|
|
