ديوان \ وملف - الديوان الشعري

الديوان الشعري » عقاب اسماعيل » ديوان \ وملف

ديوان \ وملف			أضيف في: 06/03/2008
لبنان انت الاصل انت البي...انت الشجر والشمس تصنع في لوكان شعبك جسم انت الروح... لوكان مات البطل تبقى حي نحنا فداك وما نهاب جروح ... كرمال مجدك عاش حاتم طي يغفى القمر بيضل عنا شلوح... والقهر نشفي وجعتو بالكي نيأ س نهاب الظلم مش مسموح ... رح ننتصر بقوة الايمان والسيف من بولاد يلوي لي واحد مرتو حلوي ولوح ... طرمي وجارا شو متلبك بهمس يقللا بحبك بوح ... سمعتي شوقال ؟ بحبك *** رجل متزوج امرأه لاتهتم بنظافة البيت وكان اسمه شموط . يوما ما هرب مع شقيقتها خطيفه فقال الشاعر ; قمل وبق مجلل تختا = وحظ السيء ميل بختا شموط زوجا حامل مشط = هوي وراكض مشط اختا رجل كان متزوج من امراه اسمها غزالي انجبت له بنينا وبنات وصبرت على مر الحياه , ولما اقبلت معه الايام تصابى وتزوج فتاه صغيره سنا ولكنها بشعه فقال له الشاعر; ختيار ومتصابي شب* حابب يتوقى البردي لابيدفا وقداتو كب * وبدل غزالي بقردي تزوج احدهم عن طريق المراسله والخاطبه وليلة الدخله بادرت العروس بخلع الاكسسوار بوستيش ويد مستعاره وطقم اسنان وكان العريس يتصفح بطاقات التهنئه فوقعت بيده بطاقة الشاعر ; بس تشوف الاكسسوارتوارى عا ثاني غرفي ; وتلضى بسعير النار تا ترسل حصه بتشفي قللا انا طلعت حمار * عاشو عملولي زفي كان الشاعر في حضرة المعلم الشهيد كمال جنبلاط وهو يعاتب احد السياسيين المحسوبين عليه لرفع سعر السكر ومن تلك الذكرى يقول الشاعر عقلو مسكر بالموسر* ولمعلم فاتح كفين كلامي كيف بتكسر عقلك محسوب بعقلين من الموجود شي غالي وردنا عطر نسمات بتخجل وردنا عاورقستان لو زرنا وردنا اماره والاميره عا لبواب كان لاحدهم بدل اتعاب عند رجل يماطل بالدفع لبخله , وبعد تكرار الطلب سدده الاتعاب بكرتونة بيض وبطيخه . وفي سيره حانقا اختل توازنه مما اودى بالبيض والبطيخه للكسر ارضا ويانت البطيخه بيضاء (قرعا) . فقال الشاعر; تايبيض اسود بختو باعو بيضات التفريخ حظو النايم عا تختو* طلع ابيض بالبطيخ كان المعلم الشهيد كمال جنبلاط يسبر على رأس مضاهره وكان عنده الما في رجله .وهو ينزل الدرج توكأ على كتفي , فقال احد الرفاق للزعيم هل احضر لك عكازا, فاجاب الزعيم ممازحا في احلى من ها لعكاز. فقال الشاعر بلاد بتتعكز ع الفكر* من معلم كلماتو كتاب ع القمه واقف هالنسر* بجناحو بيغطي عقاب من الموجود شي غالي وردنا عطر نسمات بتخجل وردنا عاورقستان لو زرنا وردنا اماره والاميره عا لبواب كنت احادث اميره من اميرات اللطف والادب الشاعره المغربيه نسيمه الراوي لمعرفتي بها من خلال منتدى الشموخ وبعد ان تهنا في حديث طويل وسرقنا الوقت بحلاوة حديثها , كان ان ارسلت باقة ورد واعتذار لدعوتهم اياها للطعام وكان الجواب مرتجلا ;Grapes; بعرف عنك كل اللطف حاضر بدي اتنحا ومن زهراتك وصل القطف بتتغدي ريتو صحا **** بتعرف يامحمد مهضوم لو تقبض من عملتها تفضل لعندا معزوم تتبارك من حضرتها كنت في سوق شعبيه سوق الاربعاء , مرت صبيه سمراء تتعمد الغنج وهي قصيره فقلت لها سمرا وبلوزا حمرا * ومن قصرا اول نمرا النسمي بتلعب فيها طلوع * ما فيها حبوب بغمرا *** انحبيت الحلوي استحليتوالعسل لازملو جوز لما تعمل صاحب بيت مابيسوى مع قشرو الموز من الموجود شي غالي وردنا عطر نسمات بتخجل وردنا عاورقستان لو زرنا وردنا اماره والاميره عا لبواب السياره العجيبه\\\ وغوار حكايه جبت سياره زغيري * عليعا جيب خضرا للعشيري عما دخانها كل المصانع * بوفاس الكون وقعتو بحيري ان ضربت فرام دغري بصير راجع بتزحط مثل شحمي ع فطيري اذا زمرت مش سامع وقاشع ولا الطرشان رح تسمع زميري الا رفراف من قدام رافع بيشحط خلف منها عالوتيري واشكمانا مثل طلق المدافع وعين الله ترعاكي فسيري ودولابا الف رقعا صرت راقع* مافيها سبار والمفتاح عيري قزازا بالبلاوي كثير فاقع * رسم العنكبوتي والحصيري تووت مهما الدرب واسع صارت كل طرقاتي خطيري فريق الدفش لامم وجامع ولما تدور بعجنلا خميري شفطت البحص نضفت الشوارع * نقلت الموت من ديري عا ديري اذا رح كون ميت عا بنازع* مناي بحبها تبقى سريري القدر مكتوب والدنيا مواجع * ملاك الموت خليتو اسيري انا رح زيدها وبالحظ قانع * باجري بقلها سيري وطيري سكور بوابها مركب مدافع * وما في بوراقها طابع اميري بيبقى وجودها كلو منافع انا الشوفير بعملها كثيري بحكي حق عنها ما بدافع قصصها بكل لسان سيري النمر ارقامها نازل وطالع مافي ولا رقم ناجي من عفيري واحد طار والثاني بينازع تا حتى يتابعو بحفره زغيري اذا بانوارها دققت قاشع * بقايا جهنم وباقي مصيري على عفريتها يابين رافع زوابع موت اسود يامديري الطفل بيقول يا امي ماراجع اذا غوار دولابو بطريقي اتركوني موت اهون ع سريري كنت في حديث ادبي ونقاش حول مقال اجتماعي للاديبه الجولانيه الاخت املي القضماني وطلبت محاوره بين الازرق والاخضر فكان الامر مباغتا فارتجلت يا اخضرومغرور بعيون الصبا شوف البلاوي بعملتك عملت رمد لولا زراق الشط من خيرو جبا كان جوع الناس زاد بها البلد *** استحي يا ازرق بعين الحسد ولا تزيد بالبلوات يارمز الكمد اما الخضاريكون بعيون الحبيب بشوف الربيع وعطر ازهارو انوجد ذهبت مجموعه من رفاقي لتلبية دعوه وكانت سهره عامره بما لذ وطاب ناهيك عن كاسات الشراب فقلت; مبر وكي هاك السهرا * عليكم ترجع بالافراح اكل ومازا مع سكرا * ناطركم عد الاقداح تعليقا على(( طقم فرنجي)) للشاعر علي الحاج لـبستي طقم فرنجي عــال*انشـااللّه ولا عين تصيـبو بهـ الطقم عملتي رجـّالالباقي، منين بـدنـا نجـيبـو؟ ورد بخاطري ; شب مخنث علكي وشعر وباذانو حلاق كبار مابتفرق شوهوي السعر * وين نلاقي نبع النار من الموجود شي غالي وردنا عطر نسمات بتخجل وردنا عاورقستان لو زرنا وردنا اماره والاميره عا لبواب طلق زوجته وتزوج من اختها فقلت; قلبي تمرمر حتى درست * وببالي جيب الاحلا يا خزاعي من الاولى فطست* اختا بتعما من كحلا اثناء سهري وانشغالي بالكتابه والردود ومطالعة الرسائل والبريد دخلت انسه ولمحت ابدال صورتها على الشات بحصانين فقلت ـ شيلي خيولك هالاثنين ياريت نكون بسرجن انا وانتي مدري وين نسابق تانوصل مرجن وقفت امراه وامها العجوز يتعازمان(اطلعي ياروحي) الصعود للحافله والسير مقطوع والزمامير تنبه السائق للانطلاق فقال الشاعر; تعازمتو كثير مطول= ياستي خفي بوحك طلعي انتي بالاول = وبعدين بتطلع روحك بيطلع معي بالحلم سامحت اللئيم * ابن الاصل بيضل عا اصلو كريم هللي تمرد داس عاقطعة رخا م * بيبقى الرخام بلون ابيض مستديم اتصل بي احد الشعراء وكانت صفحته مكتوبا عليها التالي; عرّم ياجوخ فوجهت اليه التالي; ;redrose2; لو جوخ عرم عالشتا لونو بيبو خ * وطاووس نافش ريش ما عندو شموخ وشاعر اذا موال للاصحاب قال * بتزهر غصون اللوز وبتنبت فروخ كنت في عداد وفد زار النائب الشاب الاستاذ وائل ابو فاعور لشكره عن اعمال قدمها فارتجلت قائلا ; بواجب شكر جينا ها لزياره = تحتى نصافح اليد بحراره سالنا الخالق يساعد وطننا = تحتى نبارك بمقعد وزاره * ابو شوقي عمرك سعد والله يديم عليكي الصحه ويعطي الرب بعيدك زنبق بهدي ريم ووردي حمرا بعيد الحب شاعر ملك عاصهوة الاشعار = والفكر تاج الروح يطلق نار وبيوت مابتموت مهما صار = والنصر يزرع فرح للعيد ترقص حروفك ع نغم مزمار * بيدوم المجد ع صفحة وراقي الفكر بورقستان جامعنا وراقي سألت الرب يحميها وراقي ما شالله تجمعوا كل الشباب مادام الكاس مابيلزم ورقنا العتابا تجول بخيو لا ورقنا الشعر عابلوح عجناتو ورقنا الخبز من قمح ميزانو ذهب ابو شوقي الغزاة استوطنوا بلادنا وحيتا .... قداسة ارضنا اغتصبو وحينا لو تواجدوا الرعيان بوقتا وحينا .... ماكانت ارضنا تربي الذياب مادام كثار عا ديارك بي طلو عبير الشعر يهديلك بطلو ديوان الموهبي لو يطلب بطل لو عليك بدل وبقول الصواب صرلي عمر ناطرها ع بسمي ... حمامي اسمها بضنّا عا ب اسمي غيوما خير لو هطلت عبس مي ...بنداها بس بيحلّق عقاب من الموجود شي غالي وردنا عطر نسمات بتخجل وردنا عاورقستان لو زرنا وردنا اماره والاميره عا لبواب ورود الخير مرسالك وردنا قبلنا نجاوب افكارك وردنا على الله تقبل هديه وردنا الصبايا تغار من ردك وردنا عاجنة حبهم خذنا وردنا مثل الخيل بعيونا وردنا لعندا روح عنوانا ورا دنا علامة حبنا نبضة وريدنا دروس الحب تعطيها الجواب *** ياحبي ان جيت تا تفتش عبرهم زوان وحرث واغلالك عابورهم شباب تصيد غزلانا عا برهم ويتامى الشعر تتغذى عا برهم وعجايز بربر ه يزيدو عابرهم مراكب خير لاشحنها عابورهم وخيول الشعر ميدانا عبرهم صبايا الحي لو هلو عبرهم ورسالة حب توصللي عبرهم وصلاتي بزيد تاصللي عابرهوم وما برضا يكون مرسالي عابارهم ولا من كاساتهم بشرب شراب الشعر من مقلع صخورو جناني = تا يشبع من جنى ا فكاري جنى ني زرعني ورود عا صدرو جناني = وعرف يصطاد بالحلوي جناني بصدا وردها تطير جناني = وبغنجا ولطفها نصبح صحاب ضناني الصوم تا يطلع بدرها* اميره متوجي وعاجا بدرها ياطير الحب مرسالي بادرها * سلامي معاك للحلوي بدارها حبوب الصبر عاسناني بديرها* ومثلي تكون مغرومي بدورها ما بدي تكون معصومي بديرها * وقلب محبوبها بالهجر ذاب [b]عتابا كتبت بالالوان حليتوعامنبرندوة الشعار حليت القوافي بخمرة الكرمات حليت وعقدها بلمعة الافكار حليت النحل عاوردهاحام وحال ليتقطف من زهرها لاعمل شراب ا بدي كون احلامك قاطعها وما برضى تكون من حصرم قطعها واذا الرحمات من عندك قطعهاماعاش الطيش تا يقطع قاطعها شعري سيف للاعدا قطعها وحلمي فراش ناعم للصحاب جنون الدهر اشعاري كحيلتو* القوافي تطوف تتجمع كحيلتو صروح الفن برياشي كحلتو * نسجت القول ومزركش كحلتو ناد اني الولف يلقاني كحالتو* جفا وحرمان وجنون وعذاب []ما بقد ر جول عالمطعم ولابغار* فرحت بطيب ملقاكم ولا بغار لاورد بطول اهديكم ولا بغارولا عندي دير تاصللي ولا بغار جنود الشعر بهديكم ولو بغرلوحدي كاسكم بملا شراب *** على الله يطل عابلادي عامر جي* ومنير وراويه وصالح عمرجيه ومجيد وركن والشله عا مرجيالحلا بينقط وشهدن عامر جاي عاطول بصوم وبصللي عا ما ر جاي يزول الشر ونصبح قراب عملهم رب عا قلبو عبدهم * جنى الهجران ووعودو ع بدهم امير الشعر ما بيعمل عبدهم * ولا بدو يرهن امورو عا بدهم ولا بيكون من فضلة عبادهم * جريمه الصقر لو صاحب غراب *** ;RoseForYou; العتابا تروح صوبك لابقتلك * بيوتا لا بقت لي ولا بقت لك الجريمه لابقتلــي ولا بقتلك* الجريمه البوم يهجم عا لعقاب لاتسأل الحلوات وتفتش ع نبها * قصيد الشعر لو تغزل عنى بها الخمر معصور من قطرة عنبهاومايقدر فكر يتفوق عنبـــها شفت عنــاب يتغاوى ع نابها وعاكرسي خدها سهام لهداب شفت رمان عاصدرا برادي * قطوف الكرم ما يعصر برا دي وعاغرفة حبناتـركتي برادي* وقصيدة يوم اختمــــها بردي لمست الورد قلتــيلي برادي * عطيني عطر دفعا عا الحساب (يا سمرا )بادري بيوم موعدنا برّا حي* البعاد وطول هجرانك برا حي دموعي صرت لملمها براحي * النجوم تغيب لورصدت براحي رضابك عا البعد ابدلها براحي * واسكربطيفك لامدام ولاشراب لبست التاج ومرصع بدركم* قوافي الشعر يضويها بدركم ليالي السعد تتحلق بداركم * بادرت بدعم وتكلل بداركم اديب تفوز بالمنبر بدوركم* بنادي العامري ركن الاداب مخمسي بالصدر ما بقبل بتركي* مجرم حبر بيطالب بتاركي ان تركت النبع ما بيجري بتركي* قوسك صاب للمعنى بتر كي ياشعر اعتز وتغاوى بتركي * على القامات ما بتعلا هضاب عانبع النار لـو يورد وردها حرام القطر ما ينعش وردها كاسات الحب ارشفها وريدها قليل الخمر بنـعنش وريدها خذها بلطف لعنــدك وردها تحتى الاه تعطيك الجــواب من الموجود شي غالي وردنا عطر نسمات بتخجل وردنا عاورقستان لو زرنا وردنا اماره والاميره عا لبواب شو مالُه اللّيل مَ بيخلُص شُمالُه وْعن دْروب الحلِم ما بعرف شُمالُه حبيبي نذرت لو اجمع شمل له وراق الورد لاعملها شملله وعصير الكرم لاسكبها شمول له تانسكر لاعذول ولا ذيابم بعمرو حنانك جر دوا لي بحرف الروح جوّا جرد والي رضابك من شفافك جر دوا لي وغيابك جاب لروحي العذاب عَلينا حْلِمْت وِمْنشكر حِلِمْكُم عَ بالي بيت من غامض حِلِمْكُم مثل بوبو العين برموشي حلمكم كم حلم هالقلب بالملقى حلم كم يدبدب طفل تايرضع حلمكم بقي هالحلم لغز بلا جواب سرجت الشعر وحصانك عملتو القوافي لجام مرهوني عميلتو الذهب ميدان لا مرك عملتو زرعتو قمح وبذارك عمالتو امرت الريح ينثرها عميلتو طقوس الحب اجريتا عملتو درست طحنت وشويتو عملتو رمحك جال نحو القلب صاب أمير الشعر إفرد لي عباكم تعايد بالورد حائي ع باكم القوافي صغت تتليها عباكم الأدب بستان بارضو عباكم تحيه لإم والرحمه عباكم يا مجرم حبر يا ركن الاداب بعيد القلب بيشارك بعيدكم * وياريت العيد بيقرب بعيدكم حباب الروح بقلبي بعدكم * ضناني الهجر من لوعة بعادكم عازهر وورد بوراقن بعدكم* وبليل نهار بنطر للجواب محمّد) شرّفِت يا بيّ (أشرف) حبرك عَ الحِلِم يَ (خْضور) أشرف دخلت السّرب حلّق ايش رف أمير الشّعر يحسبلك حساب يا حالم مملكي تسوسا بكارك حقول الشعر زهراتا بكارك لا تشفق عا مقصر بكى رك ع بيدر غلتك تحصد جواب طبيب بكون عالج عا شفاها ... تابسمة حب اقشع عا شفاها واذا بتقول كلمى عاش فاها ... أسير الحب بيصبح عقـــاب مابدي الحب ياسمرا بعاد لي* وحروف الوعد تمليها بعدلي ظلمك صار يتمرجح بعدلي * العذول بسهم طعناتك بعد لي صفاكي بس لو مره بيعود لي* الهنا اللي غاب لقلبي بيعدلي وعدك بجنة يوم ملقانا بعد لي* عانار الشوق ناطر للجواب كريم اليد صادق مرجلاني بوحدي وقهر حلمو مر جلاني درب حرفيش امرق مر جولاني غيم البن زايد ع السحاب العتابا طوف عحروفا وجيبها= بقصيد وجيش تا يحارب عجبها بيارق حرب رافعها وناشرها=المحبي شعارها ورفقا عاجبها *\ عيون الشعر بالصفحه ناشرها= حرف بيشع بغصونا ع جبها ماداما مثمري بشهدا نشرّها= العجايب تزدهي ويكثر عجيبها \ الغضب لو زاد عن حدو نشرها =حرقها بنار وتمادى ع جابها وشر القول لو قلعه نشر ها=وخير القول لل بسم جاب ها يعيش القول ميجانا وعتاب اتاك البرد شوشلك فكارك صر ت جمدان متلبك في كارك واذا بولياس مدماكو فيكي رك عجنح الطير برسللو عتاب الشعر ميدان للعركي وغا بو =بعرينو السبع يحرسها وغابو حبابي طولوا الهجرا وغابو = عليهم نذرف الدمعا سكاب دني الطمعان يتبدل بهاكي = وكريم الاصل مايغرو بهاكي القمار شرور للراغب بها كي= يمسي بلا حباب ولا صحاب بعيد الحب كاس الحب خللو يعلا والحبيب يود خلو لاتجرح صاحب بيشفيك خلو * غالي عالصحاب بلا مصاب ي ليل الشعر لو نور حالمنا * نسينا العتم عالجاني حلمنا بيوم ما لوتفسر حلمنا * زرعنا مروجنا بيوت العتاب العتابا عتبت وزايد عتبها * عَ كاسر نغمها وطامح عتبها البناها أسس وعلّى عتابها يَ حالم وين صوتك لا تهاب ! يا عيد الحب يوم بعا م جاري = حساب فتحت للمحبوب جاري هديتا ورد لونو بعرق جاري = ودفق الحب مثل النهر جاري بعام جديد ريت تكون جاري = زنودي الجسر وفراشك هداب عاطرد جديد زار اليوم نحلو * وهداني شهد كلماتو ت نحلو الوزن ياصاح ابكيلو و ونحلو * حرام الجور عابيوت العتاب شتا وغيوم معها الرعد والخال ومثلو لمع سحر الورد والخال دعيت الاهل معهم عم والخال تا اطلب ايدها ونصبح قراب اذا عالمعركي بتهجم بخيلك * تلاقييني هاجم حسبني بخي لك ياحالم جود تا يعرف بخيلك * مثل غيمات بتشتي عتاب *** مادام الشعر اسرارو في قيدكم * بسلامة عمركم يحيا فقيدكم عادرب السهل عازمكم فقيدكم * معي المفتاح لبيوت العتاب غزلان صدرك رمت تا يرعوا نفلهم الورد والشهد بخلدي نفى لهم حراب وسيوف لو جالوا نفلهم بسهام عيونها قلبي انحنى خفف الوطء يا داعي واتبع الحق مسيرا درب كذب انت ساعي حبله حتما قصيرا خففي الوطء فتاتي رحلتي, ذاهب عند الغياب ساعديني في حياتي بنعيم , تبقى لي روح الشباب خفف الوطء كبيري ظامىء رش بماء يا قوافي الشعر سيري اجمعي ماء السماء خفف الوطء وساهم في اناشيد المساء ليت شعري لو اراهم تضحك الارض السماء وينو الحب شفتك ماشي برا الدرب سلاحك صالي ناصب شرك وكاسك مالي وثلجوعامل طيب قلب ناعم صوتك جلدك مالس وداعي صيدك ساحة حرب اختار الكلمي قلبي حاسس صوت النغمي ولين الخيط تسحب عقلي تخدر فكري وبعدا بتصلبني عا الحيط خيط ثوب الفتني وقيس هندس جلس عيد قياسك بلكي بتعرف وينو الدرب ثوب النعجي شلحتو عرفتك غيري منك شربو كاسك سكرو وتاهو زارو ابليس وعم تسال وينوي الحب؟ *** عندي الحب بقلبي كنز مزروع ومتنامي كثير قمح بيعطي المونه خبز شمس بتضوي الارض كثير حريه وعنوانا رمز تحرر عبد تهشم نير تربي عيال تعمر بيت الحب ؟ سمعت الحكمه قالت نظافه ولطافي وظرف وطفل تعلم ينطق حرف وصمت بيحكي قصة عز الحب بيضوي بيكشف درب بيسعد قلب ولمجرب قاضي بالحب الحب الورد يعطر جو وام بتسهر يطلع فجر وبي يكافح يقطع نهر وجندي بلادو عندو كنز يفديها بدمو والروح يعطيها نفسو والذات وبتسال وينوي الحب لو تساوو كفوف الميزان بتشوف الحب الغالي وبتعرف ياتاجر كيف لمحبي فعل الايمان الله العادل هوي الحب والطهر ولطف النيه وفلاح يكافح تعبان وفقير ومؤمن بالقلب بكوخو مع جوعو رضيان الحب الجنه للانسان ولاني بحبو للحب وقلبي بحبو يبقى نظيف تايسلم جسمي والعقل واقدر اعطي بلادي الحب وكون الارض بتنبت حب رح اختار بذار مليح وازرعهم بجسمي بقل وحصن نفسي بكبر وثقل وابعد عن خطوات الغدر وصللي بمحراب الرب وبتسالني وينو الحب بعدو باقي الله الحب يانور عيوني لاتقول * الصالح فسر كلماتك حكيك اطيب من معمول* مقدر حبك وحياتك يابولياس تفضل جول * من رداتك عسلاتك طيب صادق ابن اصول* لما تمر بنثر الدر عبتسعدني بسماتك الحب ياملاكي ليس عرضا للطلب فيه نبتاع ونعطي للزبون ليس موسم للقطاف كالعنب لا غبارا يعتليه لارياحا لابروقا لارعود ترتقي سحر العيون لواحبت صخرة في يوم بذره ساقها الطير اليها تحتضنها في فراغ خرم ابره وتمازجها المحبه بجنون كي نحب الحب صدقا ونعيش الوقت نحلم يافتاة الفلب رفقا امنحيني كي اكون لاتضني الحب طيرا ينتقل كل صباح بل جذورا تشرب الماء وتهدي للغصون يبدي الضياء لنا بخد مسفربوركت مولودا اضواء واصداء وينير واحات الظلام شعاعههل بلغناووفينا ذا العلو ثناء حامل ع كتفك عمر الله يطولوبوهج السعاده يدوم ياجابر تحقق نجاح وحلم لابس ياحلو صحه ونجاح الشعر يا شاعر راح الوقت يمشي مع الساعه وحروف مكتوبي عملت علمي حالم رسملي الحلم ولاعه ضويت فيها الدرب للكلمي راح الوقت والشمس ما بتغيب من دورة الافلاك فاتت بالخبا بس يوم الراح ما منقدر نجيب وتبقى الصداقه معمرا بالمرحبا راح الوقت والنبع جاري مي فواج الصبايا تجدد مواعيد موال جدي شب بعدو حي سامع حفيدي عا لنغم بيزيد راح الوقت تايشبّع الجوعان جاع وما شاف بوجبتو رحمي والكون يغلي بمرجلو الحرمان واطفال ترحل فاقدي اللقمي راح الوقت يمشي معو عكاز وختيار راكض لاحق الاغصان شاف المحامي بيطلب ومعتاز خفف مصابو جوعة الشبعان * راح الوقت يركض تايلحق دغش ويشوف ليش اليأس بكتابو ريح الخريف تهب تعمل دفش نسيم الربيع الورد احبابو راح الوقت والزنبق بعطرو فاح مع كل اللطف ع بيغنى نسيمو نال الصبا بعد المشيب وراح ذو العقل عبشقى بنعيمو راح الوقت وتغير العدان والزرع مالي بيدرو بغلي ماجد زرعت المجد ياعليان بموسم خريف الكرم بالسلي بكرا هلال العيد لما يحل ومن دفترك ياصاح تمحي وراق رح ارسل الباقات ورد وفل والحلو يتوزع على الاطباق عابيدرك حبات بدها تطل ومعها جميل الشوق بالاعناق تسعى اليها وشمس رميت ضل تحضن شفافا بلهفة المشتاق عن هالمحامي ليش ما بتحل هوي بجنه بيعصر الاحباق تركتو الهنا والنحس صاير خل؟ روحو سوا تا نورث الترياق؛ راح الوقت يسهر بهاك الحي وبعلم علمي تجمعوا اصحاب شربوا الكاسات ومادخلها مي وتلذذوا بطعام عيشو طاب جلسوا بجينه ورد ضل وفي جنة عدن مع حفيف وراق بو لياس ثقل بالعيار شوي من قبل صومو بلغ الاشواق بقدر ضروفو كيف طلع من حي كيف انطرد من جنة الخلاق ؟؟ راح الوقت يا حسرتي ياجار كان الشباب وبيرقو الاخضر وكنا بشقاوه نذيب ثلج بنار واليوم عدنا نجول عالدفتر * راح الوقت شو همنا ومالو مشينا بدرب الحب اغنيه مثل طهي البن بهالو نرشف , وصباح الخير مرجيه راح الوقت والزنبق بعطرو فاح شق الاسيل بلاد مرجعيون اشفق على صنين يا تفاح اتركلو مجال يزهر الطيون شغلك يا بين تقصرالاعمار=وتنشر حبال الصيد بالعتمي عجل بسيرك خطوتين قصار=وعا سراج عمري هب هالنسمي مثل ما بود عينك ود عيني = عا فكري لاتشارعيني وتداعيني ايميلات الكسالا ودعيني = بلا هالضيف ثقلي عالحبا ب * ايمتين رح نسهر؟ وشوشت اذني بكلمتين قصار وكلمة بحبك ياروحي هيذي حروف السحر للمزلاج مفتاح عقل البنت يتخدر يبني قصور يشيدها بابراج ويترك غصون الورد تتكسر من ريح ضنتها نسيم مادام قلبا بس يتدبر والنار مرت عالهشيم وتركت رمادو غبار يتبعثر * وعيت عاصبح ومابقا فيها وعي لما كلام الحب تاه بلا رصيد وعرفت مداها وضاع من ايدا القصيد وراحت لعند الولف تاتجد السعي لقيت بريق نحاس بايدا خفيف وتمتم كلام بغير ماقلا وصاغو بجمل بان بعلل تايقصر المشوار بالكذب يتجلا بيقول شوهم النتايج ايمتين راح نسهر؟ وضربت بكفا كف وطلع الخدر من قلبها تنهيد وعقلا عجيبه ليش ما بكر وحلل برامج قبل مايسكر *** تركلي محارم لم دمعاتي بعد ماقطفت العنب بكير وعصرت منو خمر تاتشرب ورميت الحجر بالبير وتركت هالافكار تا تتعب ورجعت ياظالم وعندك كلام تقول بحياتي وتلعب بعقلي وتشرب وتسكر ماعرفت انو المات ما بيعيش وانو الحصيد يباس ع البيدر وراجع تحتى تزور كرماتي وجرحي بقلبو الوخز ماتسكر وكيف قلبي بقسوتك بيعيش لما عاقهرو سكبت تايكبر وماتركت بجوانحو ولا ريش وسكبت حبر الهجر ع الدفتر شاكي وظالم كيف يامعثر جرح شفافك ذوق بوساتي وطالب وعد بالليل تانسهر؟ جميل يكون من زرعك بداعي = وجميل يكون تشجيعك بداعي مثل ما تاسس المسلك بداعي = لتركي الشعر عم يطبع كتاب سكرنا من لطف الكلمات بتعتب شوطالع بالايد ؟ معود من بيتي الخبزات ومن كرمي كاسات نبيد لما يمرو هالحلوات بعيوني بعمللن عيد مجنون بحب الارزات وغير فيتهم ما منريد من رام وصل الشمس حاك خيوطها سببا الى اماله وتعلقـــــــا ابعد من نجم السما المريخ..... والشعر افعل من نزيف السيخ قبل ما السكين تجرح المذبوح .....عانت تا يصقل جسمها التجليخ كتبت العمر عم يضوي عنهلا= مثل عطاش عمتورد عنهلا كتبت الرد ورسلتو عنا هلا = كريم يجود عاداتو الصواب شو حلوه القهوه سادا مره ومرات بعيدا باصبع بيضا وبمرادا تحركها وهيك بريدا ;rosestan; شوحلوه القهوه المرا مليحا تلقم ركوتها تغليها مره ومرّا بنفخه تعطر زكوتها لو بتزوروني شي يوم بصحبة هالطيب تركي مايبقي بقلبي لوم بالديره منعمل شركي بعزم عندي كل القوم * ومنعمل هيصا ودبكي قهوه مرا عندي كوم * مغليه بهال ومسكي رشف فنجانها ورضيو بشفي* ياليت بدايرو معلم بشفي غصون الورد كرمالا بشفي * عملها ياقة الحب بهنا منايا تطل صورتها بها لي = حبوب البن بطبخها بهالي قمرها بدارنا متوج بهالي = مليحا مثل سكر بالشراب باقات الورد وعطرا = هدية حبي بالاعياد بارك لزنود السمرا = يتجدد عيد الميلاد وبلادي ارضا حرا = تتعزز فيها الامجاد * الدهر مثل الكذب من غدرو قبيح والصدق مثل الحق نبعو من الصخور وجبال تبقى عاليه ما تهاب ريح مثل الفضيله قلبها من قلب نور مابعتقد الله خلقنا لنخدمو= ولا غايتو الحرما ن حصا بهالحياه ولا الجوع مطلوبو تحتى نكرمو= صوم وصلاة وبر مطلوب الاله الانسان قلبو يفرح ولا نحزنو= عندو السعادي شمس بتنور سماه الحب جسر الكون كيف منهدمو= الحب يروي عمرنا مثل المياه كاتبلك يادلوعا عاشفاف الكاس وشفافك هي الخمرا زوري بولياس * سهرنا بليله قمريه نرا قص حلوين شم الوردي الجوريه وغصن الياسمين العناب يشد عليي دوري امتين والخمرا لعبت فيي وما ذقت الكاس كاتبلك يا دلّوعَه * مْوشّح بُولياس من خمرِك حتّى يُوعى * صُبِّيلُه كاس *** يامعلم ارسم خطه* وحكيك مقياس تانحكي كل القصه * رسمت الاساس *** مادام القاضي تكلم * بوالياس علقت اوعا مره تتلعثم * وعليك شفقت نار بتحرق وجهنم* لو انت عشقت مسموح تحب وتغرملحضه من الوقت والزوجه لما تعلم صابك افلا س *** نزلت جنينه صبحيه * تالم زهور شفت الوردي الجوريه* تغازل منثور والحلوي ترش الميه * وتزيد عطور سالتا تسقيني شويه * بكاس البلور ضمت ايدا بحنيه * وعملتها كاس نـاصبـلك يـادلـوعه* شـرك ومتراس والملامـه ممنوعــه * غابـوا الحـراس *** مادام الدنـيا بـنا سـا * ودولاب يــدور والحـلوي مـن اساسا * تحـب الشـحرور مابـيفـيدا حـراـسا * ولا جــيش وسور ب،،يوقعها احساســا * بـوهـجات النـور فراشـه هي من راسـا * تخـش المــحذور من دـموعا تملي كاسا * وبــتذوق الكــاس الحمرا في اموره * ياخير الدين بعدا بنت زغيوره* وست الحلوين كتبتلي بالطبشوره* وقلم تلوين تالاقيها بضروره* بجل التين طلع عندا حزوره* وعندي تخمين طمعاني تكون مشهوره* تمثل افلام *** ياخير وياحسن الناس* ياشاعرفوق القمه شكرا لعطر الانفاسالله يحمي هالهمه عندك خبره بالالماسومعها امانه وذمه شي حلوه قدا مياس * تاخذ من عطرك شمه بتصللي عا بو النواس* ولو سكرتا مابتنلام ]]حبِّك أصبح أسطورَه * بْمَرّ الأيّام ;heartstan; عم بَرْسُمْلُه هَـ الصّورَه * بْحِبْر الأحلام *** ;ya3eini; عاراشيا لاقيني* عامرج البير بتلاقي بالدزيني* بنات تسير لاقييني لا تطعميني* عنوان كبير وفراشات بتهديني * شال الحرير وعطر الزهريهنينيبنسمة عبير بجنة عدن ياديني بحب الاحلام حلوه وغرقا ن بخمرا الدنيا والناس بامرا ريح العطر وكم الورد ورمان مخبا بصدرا وبعيونا النرجس عن جد خدودا تفاحه سمرا زنبق ابيض فاح ومـــد وقمح المونه بغمرا والبشعه انشالله بتنقـــــد لو جافيتا ما بنلام حبـِّك أصبح أسطوره** بمر الأيـّام عم برسملو هالصـّورهبحبر الأحلام خفف حكمك ياقاضي عملها جنحا شي حبه ودوا ماضي يعود ويصحا وشي حلوه وهو راضي وهي مرحا تخلي جيابو عا لفاضي ايدو سمحا ام الياس حكما ماضي قرار الاعدام عيون الحلوي لاتنامي محبوبك هام لاقوني ع المحامي شمرنا كمام * صحبي وسوا ياعيوني عملتو شركي عصرتو كل الليموني بهاك العركي تلذ ذتو بكل الموني شربتو ويسكي خفتوتروح الملعوني عنكم تحكي وتعرف كل المسكوني وهون اللبكي تغمض عين الحنوني بحبة علكي الصحبي طرقتا كموني ودكة فشكي لبستو صحبة جوني خدعا بفركي بجسمك عضه مسكوني تحت الدكي رح تكشفها الصابوني ودوش الحمام بيهوى الصبير البري * وعاف الشمام راكض تايصيد الفري* وكش الحمام *** لو تعزمني عا لسهرا * وناوي السترا وتضوي ل شموع وتقرا* تعد العشرا وتبعث سيارة اجرا * مع ها لشقرا وتملي كاسات الخمرا* وتعمل نمرا كنت بوافق عا لفكرا * بولع جمرا لو عنوانك بالحمرا * بزورك بالشام المحامي توصا شويه* يا ابن الناس عمال يسبح بالميه* خيك بولياس والقصا هي هيه * فات بافلاس عزمك ع كبه نيه* ومازه مع كاس تهمتو بسوء النيي * قدام الناس زت الدبشي ياخي صار بدها فرام روينا والزنبق زهر وبنحلو حام المحامي نام تأ خر * اهلا مدام *** لما بشوفك بعيوني* ياجرار الشهد من عطر بلادي موني * من ثم الورد ومن سحرا بس عطوني * نسمي للجرد مركب سافر من جوني * يودي سلام ياحلوه برا سك ريشه * من ريش نعام لاقوني ع المحامي * عا لبشعا حام *** لوقالولك ها لبشعا * مشوارا بعيد وببستانا رح ترعا * خواريف العيد فتح عينك ياسمعا عن دربا حيد عن سلمها شي وقعا بتكسرلك ايد بدها ثلجي بالسقعا * من دون وحام ياحلوه برا سك ريشه * من ريش نعام لاقونـي ع المحامي * عـا لبشعا حام *** شاطر رديت بخفي* وعالرمل مشيت ولبست ثياب العفي* ورحت وما جيت كنت مدلي هالشفي * وعادربا حفيت شفت مقشي عالحفي * ركبك عفريت نويت النيه تصفي * ولهيفا نسيت بسرعا برمت اللفي * والبشعا نسيت لما بتقدر رح تعفي * ياسمين الشام وينك يَ عْيوني وينِك * شو بْحالِك صار ألله ما بينِي وبينِك * شعلانِه النّار *** مبارح نسيت موعدنا* عا نبع المي انطرت وعالموعد زدنا * لحضات شوي الدنيا برد ومابردنا * ولاقلنا احي دفينا بحلم الواردنا * يسقينا مي ثاري زنبق بلدنا * زعلان خطي عرف القصه وشاهدنا * وعتبان علي طالع غزل بريدنا * وهوي بيغار دخلت صورتها قبالي نسيت الكلمات عيونا هني سؤالي بكل الردات فيهن كحلي طوالي مع هالغمزات دخلو ربي بالعالي عامل صرعات بدي اسمك هالغالي يعطر وردات اسمي دلوعا ومالي العيون كبار ]دَخْلِك يا حِلْوِه ميلي يا شَجْرِة غار لمّـا شوفا مقابيلـي يْزَهِّر نُوَّار [ دخلت عاخطي وشغلي * وقالت مشغول عايزه اتكلم اسمحلي * ادخل عاطول بواب الحظ بتفتحلي * لو كلمي تقول بدي اتوظف اشرحلي* براتب معقول لوني اسمر عاكحلي وما عندي طول شفافي عناب ومحلي وسناني لول دلوعاالاسم الاصلي * وعيوني كبار وينك ياعيوني مسافر * تارك هالدار وينك شو بعدك ناطر* بتلاقي كبار *** عرفتك رايح برحلي* قلت استحلي بواب الجني بتفتحلي* لو بتسمحلي من الزنبق اسرق كحلي* ولون الكحلي واشرب كاس يفرفحلي* شهد النحلي رح اهديكم من زحلي* باقات الغار وينك ياعيوني مسافر * تارك هالدار وينك شو بعدك ناطر* بتلاقي كبار **ياعيوني مسافر تارك هالدار وينك شو بعدك ناطر* بتلاقي كبار *** ماشي مسافر عازحلي * قالتلي وقاف خذني معك بالرحلي * وحدي ولا تخاف بقعدك جنبك وارتحلي* الغمزات نظاف بس بلطفك اسمحلي * احكي بالقاف عينك بعين الكحلي * ولا تعض شفاف شباك النسمي افتحلي * راح اشعل نار عابوسنان عامل سفرا * يارمح ارتاح بدار الاحلام بفكرا * وعطرا فواح والعلم مضوي العمرا * واشبال ملاح ومحامي عدلو خمرا * تسقينا قداح وللعذرا ناذر عشرا * شمعات صحاح لعندن اعمل عمرا * ونال الافراح والزنبق يبقى عطرا* مالي هالساح الاسيل بيعمل سكرا * عمل جبار سهرنا وحكينا وعدنا* نجدد ونعيد نانيس تقول وعدنا* وما بقدر عيد زرعنا الحب وما حصدنا * غير التنهيد بتنسى تحدد موعدنا * بيوم جديد برسمها ولو ماشاهدنا * عقد ولا جيد حلوه حلوه بتسعدنا * لو هي تريد شفافا شهد يبوردنا * والنار تزيد ومن غمرا القمح حصدنا* وشو خص الجار ياجنوبي وعطر بلادي * واكليل الغار انتا زادي وزوادي * لومهما صار *** طاف الكاس وماشربنا* ولا بل شفاف سمعنا النغمي وطربنا * حكيات ظراف ركضنا حفينا وتعبنا * ماقلتوا وقاف رسمتو الحلم بملعبنا* ببيت المضياف ربحنا فرحنا وكسبنا * قاضي شفاف شبعنا بعدلو وطلبنا * اشعار نظاف الحالم علمو دربنا عا نبع النار اهلا وسهلا بطلاتك = ياشهر الصوم الصالح طالب بركاتك = بيصللي دوم ** شهر مبارك بقدومو = نجدد ايمان تجار العالم صومو = ذوقو الحرمان الشوك بذارو لاتلومو = زرعتو البستان لكتاب نسيتو علومو = وقول الرحمان الشر بيكبر بسمومو = ينال الانسان يا اهل اتقوى قومو = نالوالغفران الفقير بيكفي همومو = حاملها دوم بجنة حالم صرنا كثار* الله يزيد ويعطينا رح نجمع باقات الغار* تانكلل بسمة دينا ياحلوتي رح خبرك شوصار لما بغيابك حمام الروض ناح قاعد حزين مشوش الافكار والقلب عابينزف بدون جراح حلمت بمنامي مرافقك مشوار نمشي بجنينه ثمارها تفاح الشاهد علينا جوقة الاطيار تغريدها كرمالنا صداح وعا العشب نحنا حولنا الازهار فراشات تحمل عطرها الفواح لاقطفت تفاح ولاذقت ثمار ولا بجنتي تهنيت بالافراح حلمي ملاك بيكره الزوار عاوعيتي رفرف جناحو وراح تمنيت حلمي يكمل المشوار كرمال حبي بقبلو شيطان ومثل قلبي يكون مقصوص الجناح بو شوقي بيرفعلا الايد ... اعجاب با بداع اللطف الرب يباركها ويزيد ... مليان بطهرو هالنصف لما مختار الساحا بيعطي شهادة حسن سلوك ملاك يرفوا جناحا من عندي بيلزمها تا ج وقصر وقاعه وعرش ملوك قصدنا الدير تا نطلب بركتو* زهور وعطر والزنبق بركتو دخلتو القلب بالجملي بركتو* وكيل يدافع برد الجواب *** مادام النسر عم يرعى غزالي* بدفاع الشاعريحورب غزا لي بعالي الصوت منقولا غزا لي* بدم البارد يوحدنا مصاب من الموجود شي غالي وردنا عطر نسمات بتخجل وردنا عاورقستان لو زرنا وردنا اماره والاميره عا لبواب اسناذ يلولح بالسيف وكيف بيكتب بقلامو العلم بيتبدل بالحيف عللي بينكر اعلامو عامنبركم داخل ضيف الحب بيهدي سلامو الرأي بودو عندي كيف السيف بكلمي اعدامو *** لما القلم بيثير مخفي من الخطوب* وبيميت حبرو الخطب لو ثار سال الحبر عا صفحة المكتوب * سال بقرارو من الدما انهار غصن الشجرهالعود شو مطلوب* لما يبس عا بيحمل الاثمار كان المطر لخضرته محبوب * جامد وغيثو يجود عا الافكار استاذنا لوعدلت ارجع توب * استسمح بوسامر ركوته ع النار طالب قطيع ؟و ليش يا محبوب* ما تضن سيفك قاطع وبتار لما القلم من دمعتو بيبكي* يا ما سيوف تزول من عركي عريان يكسي الناس بالافكار* والسيف داخل غمد عبيبكي السيف يصمت لو حكو الاحرار* ويكتب قلم تايحرر ويحكي بيجري بهدوئو يموج كالابحار* ولولا انبرى بيقطع الشبكي يخاطب عقول الناس بالاسفار * ونفس الخطاب يكون للشركي سيفك طويل بيحملوه زغار * زغير القلم تانحملو منشكي يامغشوش بلمع السيف * وجامع بوش واصحابو الكاس بيعطي لمحة كيف * السكران يبل ثيابو الكون بكلمه كان وحيف * العلم يجافوه صحابو ضيعت اللبن بالصيف * والقلم عالي كتابو يللي نظمت الشعر ولسانك قلم* بكل اللغات يكون هالصائغ سفير هوي بريد القلب صاعد للقمم* صامت يقول الرأي وسراجو منير حاك العبي و بريشتو كان العلم* عقول الرجال بتعملو عليها امير لما القلم عاخد صفحه بينرسم * بيكتب رقم والمبلغ بيغني فقير مساق الدني(سق) بسيف وقلم * تولا عصا فرعون مولانا القدير ويامنتخي بالبوش تايصنع الم* رح تكتبو الاقلام باليوم العسير هتلر مانال الكون بسهام وحمم وعنتر بشعرو خالد وباقي كبير من طلوع الشمس لوهب الصبا ... يقابل حبيبي تايزور سهيل بدربو ورود الروض قللا مرحبا ... هاتي عطورك زوديها الكيل طلت زهور الياسمين من الخبا ...والزنابق بالغوا ع فرد ميل والزنابق طهرها يزيدا جمال ... وشموخ ابيض ع نواصي خيل وعلا, عباله يحوز ايات الكمال... وصام يومو تايصللي بليل شاف الملاك وشاف ايات الجمال ... وبجنتو انهارها بتقول سيل نزلت بنات الشعر تحصدلو غلال ...من زرع قمحوتقمرو الكعكات القنعان يغنى بس يرضى بالقليل بتمون تقطف ورد ياراعي الهرم وترمي حبوب القمح لطيور الحمام وتشرب الراحات وتوفي الذمم واحلامنا جوا الندى بتنام كيف نلوي كيف نرقص كيف نرسم خط سير لو حفاة يابلادي لوعراة من ثياب نلبس العهد كتاج ونناضل كاسود حتى نحل سوف نعقص وجوانحنا حراب لن نسير كالنعاج لن نفرفر مثل طير سنتابع احتجاج رب يوم سنعود بل نعود ونعود ونعود عاخدودها الدمعات مع حمرة خجل راحت لاما بخوف قصدا تشتكي قالت ياامي الفجر باغتني بعجــــــل قبل جبيني وكرر بجولة ذكـــــي قبل جبيني غصب عني بدون وجل فجر الضحى معقول انو جمركي خصل سوادو الليل تايقدم شلـــــــل وقدم ضفاير من عيونو الحالكــي وذوب سوادو بنور لحظي والمقـــل ومن بعد كحلو ضمني بلا حكـــي و عامبسمي مرر صبيعو بالعســــل ممزوج بلون الورود الليلكـــــــي يمي استحيت وخفت تايكونوا علل صرت بين الزهر دير المعركي صرت زور الزهر تا جمع سلل خبي زهوري بين عقدي ومشبكي ركضت نحو الروض تالملم امل الا وهاجمني مثل جعفر برمكـــــي خبيت وجهي نويت ما اعمل جدل وما عرفت ها الموضوع بدو فذلكي مد عا صدري انامل , شو العمل؟ هوي بغتني ولا طلب مني اتركــــي كوزين من رمان؟ والمعنى اكتمل هوذي اماني صرت فيها ملبكـــــي وغصني تمايل بعد ما الفرع انعدل واوراق مع ازهار يا امـي احركــي حام حولي طيور من كل النحـــل دخلك يا امي ليش ها الدوري ذكي وصارو الطيور يدونوحروفي جمل وقلبي ما بعرف ليش صرت ملبكي بيدق لما تشوف نظراتي بعجل عيون البلابل او صوات التكتكي صار حملي ثقيل اثقل من جبل ومين بدو يعيد لمجالي الامان حلي ياامي عقدتي قبل البكي ضحكت بزهو الام يابنتي اسمعي هللي جرالك صار بالماضي معــي كاعب ياروحي الزهريهديها عبير وترافق النسمات وتجد الســــــــعي تحوم كا النحلات تا تبني قفــــــير مثلك انا اشتكيت يادنيا اسمـــــي والولدني ايامها عمرا قصير نتزود الاحلام ونجد السعــــــــــــي مثلك انا كتويت بذات السعير واللي جرالك صار مثلو بمطلعـــــي خبز الحياة بيختمربعد الفطير كوني شجاعه وتابعي لاتفزعــــــــي الا لن تنال العلم الابستة سانباك عن تفصيلها ببيان ذكاء وحرص واجتهاد وبلغة وصحبة استاذ وطول زمان يا شاعر للعلى بصعد سلامو سلام الود يسلملي سلامو الوطن بالعين عم نحرس سلاموعدوم بهمتك شيخ الشباب بوسامر ارفع ايدو ... لبوش ان جاب الترياق بينشر افكار تفيدو ... وبيشد علينا النفاق للي مقصر الله يزيدوا ... خيلو ان شدلا خناق الواعد اذنو بعيدو ... يقدحها بدون حلاق لالبسها من جديدو ... ولا سلمت ارض لعراق ولا العقاب في الفضاء محلقا ........ يقرب مدى سهام الفتكة البكر عوفيت ياشاعرامن عطى الله ...... ولك من القلوب الحب والشكر عزمتا تا نمضي السهرا وقلبي مشتاق بلكي بحصل عا غمرا وباكل دراق بسكر ما بشرب خمرا ومن دون عناق اعتذرت ها البنت السمرا في عندي رفاق ياحلوي صدقي مرا حكيك نفاق شو هم ان كانو كثرا حبوب الترياق ان كانو اكثر من عشرا وان كانو عتاق خيّال وعندي فكرا بخيول سباق سالت كرومي وعم بتقطرمن جنى ... العنقود ناضج عم بيسأل مين جنى نواطير سالت بالليالي مين جانا ... قالت زهور البيض هوذي حبابنا قمرها غار وتخبى بغيمـــات ونجم الزار غرفتها بغي مات وعذول الكان يزعجها باغي مات * وبقي رسمالها الشاعر عقاب زنبق ابيض وسوسن سنا * وبذار الحب في قلبي سنا تركيني بصف مدرستك سنا * بهدي عيونك والايادي سوسنا * لما تجود ياشاعر بحرفك * محيطك طاف وبدربو بحر فك العتابا هل وعجنها بحرفك * امير الشعر وبحور العتاب دخلت القلب ياشاعر بحرفي العتابا زهور لو زرعتا بحرفي عتابا قول من عندي بحرفي خللي الصبايا تلم عطر زهورنا * ياطارق باب يا اهلا ومرحب عشقت الشعر للغالي ومار حب طبخت البن لصحابي ومرحب وتركت الهال يعزم ع الشباب العتابا قطفت من عندك وردها تحية حب كررها وردها غزالي شاردي امسكها وردها هدايا قبالها بيوت العتاب * ببالي بيت برباره ببالي بريدي بورد برسلن ببالي بعيد بعون بارينا بابا لي بيوت بحبها بعبد بواب الف مبروك بفرحت كريمتك وتهاني بصهرك يودك ك ريمتك كريم الاصل لو مثلك كريم تك كنوز الخير ع فلسطين جاب * الف مبروك لو هلت بدورك ليالي السعد تتكرر بدورك نلت الفوز يامواسي بدورك كريمي مأصلي واطيب نسب بحر الغزل هام قلبي في هواكم * مغرما يشكو الكمد ليتني يوما اراكــــم * برء عيناي الرمـد ذابلا يوما صباكم * ان حرمني ما وعد غازيا لومي حماكم ماء برق لورعد بحر الطرب ماجت بحور الشعر يا مرحب بها عندي مراكب بالمقام الاولي تكرم عيون بحسنها عيون المها * بحول الساحات ساحة بو علي ياشجرة العمر ياروحي يا شامخه للمجد عنوان جذرك رفيق الصخر بتراب الوطن شريان وتراب؟ قولو تبر قولوا المسك مش اغلى تسقيه دم قلوبها النجلا مثل الجواهر تحرسو الفرسان ياشجرة العمر يا ارزي يارمز خلودنا بالدهر فوق الجبل ع القمي بتقاومي بتحدي الريح وغصنك برغم العصف ع بيعلا ياشجرة العمر بكروزك رشي رحيق العطر ع لبنان منعرف رصيد العمر بكنوزك بجنود تحرس كلها نخوي بايدين تحصد ما زرع جدي حرف الحضاره وحرية الانسان علم العداله وحقنا المنصان ياشجرة العمر يا ارزي يا حلم كل ملوك يا رمز ياعنوان يابيرق الخفاق ياعزي مجدك رفيقو دايما لبنان سرجت الفجر وعملتو حصانك * لانك فارس وعمك ميزانك بشمالك نفض النجم وكمالو * بيمينك جود تاتبين خصالك ع وادي التيم لو هل بهلالو * قمرنا غاب تاينور ديوانك سلام ومسك للغالي وعيالو* وعطر الورد تا ينعش زمانك النا القدس والنا الارض بيكتب طفل بخط كبير كيف بيهجم صوب الحيط كيف بيدعي للتحرير طفل بيكتب؟ صار بيعرف كيف بيحكي يمكن عندو ايضا شركي ياشذاذ اجتمعو بسرعا لازم قوه لازم نهجم مثل النمل ونعمل خطه اسما الافعى لازم قوه وجيش كبير هوذي الصبيه عندن قلب عندن حب والهم رب بس الطفل لعندو جرأه وحامل بيدو حجره وفحمه بيكتب جملي بيعلن رأي ياكد انو الثوره بتبقى لازم هجمي وفيها محمولي قوات وتدعمنا قوه من الجو ونمشي خلف الدبابات طفل المجرم حامل فحمي يمكن يكتب فيها كثير مع رفقاتو بيعمل زحمي بيرمي قوتنا بالبير هيذا الطفل مأكد مره كان يراقبنا من بعيد وعبيعمل شي خطه مره تايشتت عسكرنا يبيد يمكن يقرب طفل الدره شو بيخلي طفل يثور مابيفزع منا ولا يخاف عملنا حيط عملنا سور وطمعنا برزق الاوقاف سرقنا بلاد عملنا مليح عملنا فيها فجور ولهو وما مشينا برات الزيح رسمنا الشعب يصيبو السهو منقتل طفل بيطلع طفل واحدهم ما بيعرف خوف ولا بينسى ولا بيمضي وقتو باللهو شو صابو حتى يجاهد نحنا سرقنا شوية ارض شوبدن فيها الاطفال عملنا معهم مره عرض نعطيهم لعبه حلوه وحلويات بتغري كثير وحشينا اللعبه بارود والحلو مطعم برشوش لانفع سلاح المغشوش ولا الحلو توزع بعيد هالطفل محيرنا كثير عملنا قوه جباره وقهر وسجن وكفر وعهر قطعنا الرزق منعنا الاكل جرفنا المشمش والزيتون ومن يافا منعنا الليمون بعدو الطفل بكتب شعر وبيناضل معو رفاقو مثل المارد راكب نسر بيقاومونا بحجاره بايد بيحمل هالمقلاع وبيكتب ياغازي طلاع نحنا ولادك يافلسطين رح نبقى نحميكي سباع ورح نمحي عن جرحك ذل ورح نبقي جنودك ياقدس والمحتل بيوم يفل والمحتل بساعه يفل والمحتل بلحضه يفل * الشاعر اللبناني ابو شوقي لوحكينا من قريتنا ... عاقد الواقع والحال منهدي ورد محبتنا ... مع ردة شاعر زجال فرحنا وزادت فرحتنا ... نحكي بساحات رجال بيدر تنبت قمحتنا ... وعشفافي ضحك الموال شاعر نثرو بيحكي شعر... وشعرو باقه من نثرو مثل الهيسم لاحق نسر ... الفكر ان حلق من فكرو واحد عامل استغلال ولابس ومكبر جلباب بيوعظ بشخص امثال بترودو بيطلع كذاب واحد عمل الدين حجاب وبفنونو الله بيعلم لابالجنه عندو حساب ولا بيبورد بجهنم واحد لحالو ناصب الميزان بيزين كل الناس بخبارو عند الحقيقه بيثبت البرهان منشان تنكة مي فاتح عيارو واحد عامل عنتر عبس عا مرتو يقد مراجل بلادو ن طلبت منودرس بيتركها وما في راجل واحد ماشي بجنب الحيط وحاطط ايدو بجيابو وحلوي سنارتها بخيط تغمزها تصيد حرابو واحد شمسو تزيد شروق وعقلومضوي بنور كثير تحت النخل ينيخ النوق تا تغيب بقافلتو يسير واحد سطرين بيكتب سطرو بيمجد حالو الثاني بيكتب ليكذب لو خسر شو رسمالو وحده بشعرو قلا الفحل بعد الغصن وراقو تغيب ما بتود الزارو المحل ورزقو قل وزارو مشيب * وحده ان زارا ببيتا ضيف عروبتها تكون العنوان اهلا وسهلا مثل السيف وقهوتها وهيل وفنجان * وحده الرب بمجدو يزيد العلم بيملي جدولها ورقه وحسن بيغني العيد وبعقلاتا مكملها وحدي راحت سوق الشعر فحول الشعر يسكو ركاب بهيجه صوت بلاد النســـــر النصر بيعمل الف حساب واحد شاعر ومهيوب وعمرو مجلل وقارو جملي انقريت بالمقلوب سبحت فيها افكارو * واحد كاين بالتموين يفتش عالوزن ومكيال صار يراقب عا الحلوين لو حملو وردات قلال * واحد لو شعرو بيكون منقى ومقفى ومدروس ومن القمح طحينو ومعجون من افكارو نلم دروس وحدي لو طلت بخيال من طلتها بيضوي الشعر بيزهر بمروجي الموال وبيرقص من فرحاتو السحر وحدي ماكد بنت الاصل من قوسا بترش نبال ستا حوا مثلا قبل ادم عملت من صلصال واحد ذكي بسرو باح ناوي يعمل حفل سباق نصيحه 6 اشهر يرتاح تا يجري بعيد العشاق * واحد عامل شغلو النار بيسهر ليلو يلم حطاب ولما بيطلع ضو نهار بيرجع تا يلاقي الاحباب * واحد شاعر بيضحك شعر ومن البسمي بيبدا المطلع يحلم انو عامل نسر يطرح مره حدود الوهم ومن ريشاتو يطلق سهم يخللي اللطف ونبع الفهم مجرم حبر وحالم رسم كل سنه العيله يجمع وحده جابت قلم روج حتى تلون شفايف قللا القلم شو مزعوج ترميني بكرا خايف ]واحد نجم والله يزيد علم ووسامي وشاعر محظوظ بحبو وسعيد الف وميه وشو مليون يا شيطان هروب بعيد ملاكو بقلبو ضافر * وحده بتتمرجل ع الكل ياعمي شو قصتها منهديها باقات الفل منبقى دوما حصتها بدا ها القلعا تحتل رح نعطيها فرصتها بس الشعر ان كثر وقل من حباتي عجنتها * قصد نا البحر نصيد كنوز ومن قاعو حبوب المرجان لو غطسنا ماكد منفوز جناحي مراكب ع الشطان الارز بقلبي مربي كروز وبعيوني بفدي لبنان واحد موالو بميزان وكلماتو علاج الشافي والثاني حامل فنجان يبصر بالعطر الصافي وتركي بالخزنه غرقان يودعها الكنز الدافي والزنبق ابيض دفيان الله يزيدو بالعافي رح اهديكم من لبنان نسمات الارز كنافي ياريت تكوني بقربي تازورك شي ( كسدورا ) ونضوي عتمات الغربي ونشرب كاس البربورا * شو بتنفع كلمة ياريت منحكي وشو طالع بالايد هالرفقه بقلبي حبيت حاسس عايش عمر جديد * منعرف انو الراعي مليح لو هدد ما يجر سلاح مجرم حبر وربح وريح من ريشاتي بعيرو جناح واحد داير عا مفتاح وباب الحب بقلبو كبير قاعد بالجنه ومرتاح منجم جوهر خير كثير لا تطمع اكثر ياصاح لو تقنع بتضلك مير مع كاسك شم التفاح واحد يسمع ام كلثوم يسهر ليلو يمز الكاس عا حسابي واسمي معزوم طاوله ومازا مع بولياس واحد يسمع ام كلثوم يسهر ليلو يمز الكاس عا حسابي واسمي معزوم طاوله ومازا مع بولياس واحد عايف مش عارف من سمكه او سنارا والمحامي شو شايف الكل يفتش عا البارا تركي بيهجم مش خايف شارب نبع المختارا الجيوسي الليله ضايف ;ya3eini; تايعمل كم زيارا فهيم يكتب صحايف من العالي العالي عيارا والعلم الساطع كاشف من ديوان البربارا وبو اسعد وينك عايف واحد رايح مابيرجع وراجع بالاهلا ومرحب استاذ يقبض ما بيدفع ع مشوره كثير بيتعب والحالم هوي المرجع مالح لو كان بيغضب خير الدين مني اسمع شي ورقة لوتو اسحب بلكي شي ثروه منجمع ومنتلاقى بشي ملعب وبو اسعد جوقا بيطلع ;Grapes; بولياس بيقولو تعذب من خبريه وشو يتنفع منير بيقول تشبب بالغندورا وما تولع من الغستابو وشي اصعب لوبغير الاولى تطلع واحد دمعو نهر المر لو مره خان بلادو والحلوي لو عطيتا سر بسرعا بتفتحلو بوابو منعطي الحريه للحر بيطوي سيفو بقرابو والظالم لو حكمنا يضر يبيع الوطن بيترابو الجيوسي بحكياتي يقر الراي قريتو بكتابو وحده النسمي منها تغار تحمل عطرا مسافة ميل بموالابتجري الاشعار بترفد ماء السلسبيل ;ya3eini; وحده اختارت درب العلم وسارت فيها برفقة شب ومثلا حالم نفس الحلم ولادن مشيو نفس الدرب وحده اخت وجوزا خي بدرب الانسانيه نسير مارجرجس رمحو بالحي نصللي يطعن حوت كبير ونتلاقى تا نشرب مي نفس النبع وذات البير بفرحة عيد ميلادك فرحنا فرحكم دوم منعدو فرحنا بيزول العائق بدربي فرحنا *لباب الدار قبلنا عتاب لبنان انت الاصل انت البي...انت الشجر والشمس تصنع في لوكان شعبك جسم انت الروح... لوكان مات البطل تبقى حي نحنا فداك وما نهاب جروح ... كرمال مجدك عاش حاتم طي يغفى القمر بيضل عنا شلوح... والقهر نشفي وجعتو بالكي نيأ س نهاب الظلم مش مسموح ... رح ننتصر بقوة الايم
الكاتب: عقاب ا سماعيل بحمد (المغربي)
خيارات الموضوع : ارسل الموضوع لصديق طباعة الموضوع حفظ الموضوع كملف Word حفظ الموضوع كملف PDF

التعليقات

لا يـوجـد تـعليـقات على هـذا الموضوع